GENERAL SANTOS CITY – Dinhi sa GenSan ipatukod ang drug rehabilitation center alang sa Rehiyon 12.
Kini ang gikumpirma ni Vicky Magante, labaw sa City Social Wefare and Development o CSWDO, nga kabahin sa mas gipahugtan nga kampanya sa kasamtangang administrasyon batok sa iligal nga droga.
Sumala pa nga base kini sa pamahayag ni Dr. Dulduco gikan sa DOH 12.
Gikabutyag nga nga ang DOH ang mugasto sa tanan ug maoy magdumala sa maong pasilidad.
Dugang pa ni Magante nga ang maong drug rehabilitation center ang ipatukod sa tapad sa regional training center sa Police Regional Office 12 sa Lanton, Brgy Apopong ning dakbayan.
Kahibaluan nga dugay nang gihisgutan ang isyu sa pagpatukod sa drug rehabilitation center dinhi sa rehiyon, apan wala nagmalampuson.
