Regional director sa LTFRB 12 gihingusgan nga walay angayang kabalak-an ang publiko kalabutan sa transport strike nga magsugod karong adlawa

GENERAL SANTOS CITY – Gihingusgan ni retired Col.Renato Padua, regional director sa Land Transportation Franchising and Regulatory Board kon LTFRB kon 12 nga walay angayang kabalak-an ang publiko kalabutan sa transport strike nga magsugod karong adlawa.

Matud pa niini nga kini gumikan walay transport groups sa rehiyon ang apil sa matigayon nga strike inay suportado nila ang Public Utility Vehicle o PUV Modernization program sa gobyerno.

Sa pagkakaron 100% compliant ang rehiyon 12 sa nasampit nga programa.

Nagpagawas na sila sa ilang press statement nga walay transport groups sa Region 12 ang apil sa transport strike.