Target sa quad committee nga magmugna ug balaod og panubagon ang mga nalambigit sa mga iligal nga aktibidad.
Kini ang gihingusgan ni House Committee Chairman on Dangerous Drugs Rep. Robert Ace Barbers sa pagsugod sa pagdungog sa Quad Committee kalabotan sa extra judicial killings, iligal nga operasyon sa POGO, illegal drugs og pagsupak sa tawhanong katungod.
Matod ni Barbers trabaho sa Komite aron magmugna ug mga legislative solutions nga musuporta sa prosekusyon sa mga indibidwal nga nalambigit sa mga criminal activities.
Gisiguro ni Barbers nga desidido ang komite nga wala silay santuhon aron hukasan ug maskara ang mga sindikato nga ngapaluyo sa mga iligal nga aktibidad, i-expose ang ilang mga iligal nga aktibidad aron matagaan og hustisya ang mga nabiktima.
Pagsiguro ni Barbers nga dili muhunong ang Komite hangtod dili masayran ang kamatuoran aron tuldukan ang maong problema.
