Gibati ang hilabihan nga kasubo sa Vatican dungan sa pagpanaw ni Pope Francis.
Midagsa ang mga tumuluo para makita ang Santo Papa. Ginapatuman karon ang hugot nga seguridad bag-o makasulod ang mga tawo sa St. Peter’s Basilica kung asa miabot sa kapin o kulang usa ka kilometro ang pila.
Kung kahinumdoman nga sundon sa Vatican ang ulahing ‘tugon’ ni Pope Francis nga simpleng haya og lubong ingon man nga mahaya kini sa Basilica sa Santa Maria Maggiore.
Sa St. Peter’s Basilica ibutang ang patay nga lawas ni Pope Francis para sa public viewing hangtod sa iyang lubong sa Sabado sa alas-10:00 sa buntag.
Pangunahan ni Cardinal Giovanni Battista Re, Dean of the College of Cardinals ang funeral mass og muduyog niini ang mga Patriarka, Kardinal, Arsobispo, Obispo, og mga kaparian gikan sa nagkadaiyang bahin sa kalibotan.
