Nisang-at ang House of Representatives og balaudnon nga nagtinguha nga mahatagan og mandatory 14th month pay ang mga anaa sa pribadong sektor.
Ubos sa House Bill 3808 nga gisang-at ni Trade Union Congress of the Philippines (TUCP) party-list Rep. Raymond Mendoza, ang 13th month pay mabayran sa Hunyo 24 samtang ang 14th Month pay mabayran sa Disyembre 24 sa matag tuig.
Ang nasangpit nga mga bayranan ubos pa sa negosasyon tali sa mga empleyado ug mga employer o kung adunay giila nga collective bargaining agreement.
Ang ika-14 nga bulan bugti sa usa ka bulan nga suweldo nga nadawat sa usa ka empleyado sa iyang kompanya.
Matod niya nga ang mga kompanya nga naglisud mahimong mo-apply alang sa exemption apan kini kinahanglan nga awtorisado sa Department of Labor and Employment (DOLE).
Si Senate Minority Leader Vicente “Tito” Sotto III una nang nipasang-at og susamang balaudnon sa Senado.
