Angayan lang matod pa sa gobyerno nga kuhaon ang mga panag-iya nga negosyo ug uban pang kabtangan sa Chinese national nga nagpakaaron-ingnon nga adunay dugo nga Pinoy nga si Tony Yang.
Kini ang reaksyon sa kanhi magbabalaod sa unang Distrito sa Misamis Oriental nga si kanhi City Mayor Atty. Oscar Moreno kabahin sa nadiskubre sa managlahing imbestigasyon sa Senado og Kamara kabahin sa pagkatawo ni Yang nga 26 na ka tuig ng nagpuyo sa Pilipinas.
Gibutyag ni Moreno nga sa imbestigasyon sa isyu sa ilegal nga operasyon sa Philippine Offshore Gaming Operations mahibaw-an kung unsa ang madiskubrehan aron mapatubag ang mga personalidad nga nakalapas sa balaod.
Gihimo sa maong kanhi opisyal ang pahayag kalabot sa iyang pag-angkon nga bisan siya nahimamat na si Yang sa pipila ka Chinese community activities niadto sa dakbayan.
Pag-angkon niini nakahibalo sa pinulongang Filipino si Yang sukwahi sa gipakita niini sa pag-atubang sa Senado nga migamit pa siya og interpreter sa pagtubag sa mga pangutana sa mga senador.
Kahinumduman nga base sa mga imbestigasyon sa Kamara og Senado, migawas nga daghang panag-iya nga negosyo si Yang sa Mindanao samtang naka-sosyo matod pa niini ang usa pa nga Chinese national nga si kanhi Bamban Mayor Alice Guo sa illegal POGO operations.
