GENERAL SANTOS CITY – Giangkon ni William Moraca, Principal sa Datal Salvan Elementary School sa Barangay San Jose ning dakbayan nga walay kasudlan ang gibating kalipay human nga makompirma nga nagka-interes ang gobyerno sa Thailand nga kopyahon ang imbensyon niini sa water facility.
Sa pakighinabi sa Bombo Radyo, gibutyag ni Moraca nga nalipay siya tungod adunay nakadayeg sa iyang imbensyon.
Nagpasalamat ang nasampit sa hugot nga suporta nga gihatag kaniya sa DepEd og lokal nga panggamhanan sa dakbayan.
Nasayran nga gitakdang mulupad padulong sa Thailand ang Pinoy Inventor karong Abril 23.
Gikabutyag ni Moraca nga nag-interes ang Thailand nga kopyahon ang teknolohiya nga hinimo niini.
Nasuta nga wala gagamit ug kuryente ang naasoy nga proyekto tungod nakabenipisyo na kaniadto ang mga Blaan community sa kabukiran sa T”boli ingon man sa Brgy. San Jose.
