Patay ang Prime minister ng Houthi government sa Yemen kasama ang ilang ministro matapos ang airstrike ng Israel sa kabisera na Sanaa, ayon sa ulat ng news agency na pinatatakbo ng grupo nitong Sabado.
Ayon sa ulat, ilan pang opisyal ang sugatan sa pag-atake nitong Huwebes.
Kinumpirma ng Israel nitong Biyernes na ang naturang operasyon ay nakatuon laban sa mga mataas na opisyal ng grupong kaalyado ng Iran, kabilang ang chief of staff, defense minister, at iba pang senior officials.
Patuloy pang bineberipika ang resulta ng operasyon. Hindi rin malinaw kung kabilang sa mga nasawi ang Houthi defense minister.
Kinilala ang napatay na si Ahmad Ghaleb al-Rahwi, na nagsilbing Punong Ministro sa loob ng halos isang taon.
Ayon sa mga Houthi, si Al-Rahawi ay tinarget habang dumadalo sa isang workshop kasama ang iba pang opisyal ng kanilang pamahalaan.
