GENERAL SANTOS CITY – Gipaklaro ni Polomolok Vice Mayor Xavier Bayan nga ang bag-o nga natala nga kaso sa COVID-19 dili residente sa Polomolok kung dili taga GenSan.
Sa pakighinabi kaniya sa Bombo Radyo GenSan gibutyag ni Vice Mayor Bayan nga niadto sa Polomolok ang nasampit nga covid 19 positive tungod nagfollow-up sa mga papeles apan naabtan ug lockdown.
Nasuta nga nakaadto sa Laguna ang nahisgutan dayon sa Bohol bag-o kini nakaadto sa Polomolok apan niadtong mga panahuna wala pay kaso sa COVID-19.
Sa pamahayag pa ni Vice Mayor Bayan nga human nga nabalitaan sa mga kabanay nga adunay travel history gikan sa Visayas ang nahisgutang pasyente, wala matud pa gidawat sa iyang pamilya maung nakadesisyon nga mutrabaho sa GenSan.
Samtang gibutyag usab ni Vice Mayor Bayan nga bisan sa Gensan gatrabaho apan naga- adto gihapon sa Polomolok.
Nasayran na lamang nga nagpositibo sa maung makamatay nga sakit human nagpa-swab test tungod adunay dili maayong gipamati ang lawas og nakasinati usab og mga sintomas sa covid 19.
Sa pamahayag pa ni VM Bayan, sa wala pa napailawom sa pagsuta , daghang higayon nga nagabiyahe ang nahisgutan tungod nagtrabaho nga security guard.
