PRO11, nagtuo nga madakpan nila si Quiboloy ug ubang mga akusado karong adlawa

Nagtuo ang Philippine National Police PRO – 11 nga ilang masikop ang pugante nga pastor nga si Apollo Quiboloy ug mga kaubanan niini karong adlawa.

Matod ni PBGen. Nicolas Torre III, padayon ang ilang pagpangita sulod sa KOJC compound sa pagtuo nga naa sa sulod ang nagtago nga pastor.

Nanawagan usab kini kang Quiboloy nga mosurender ug mohunong na sa pagpaantos sa iyang mga supporter ug followers.

Sa pagkakaron, gisirad-an sa kapolisan ang tibuok palibot sa compound samtang gisilbi ang warrant of arrest batok sa akusado.

Dugang pa sa opisyal nga sa pagkakaron malinawon na silang makalihok sulod sa KOJC compound.