-- ADVERTISEMENT --
Gisaway ni Leyte 4th District Representative Richard Gomez ang pagpalagpot kang Cavite 4th District Representative Kiko Barzaga gikan sa House of Representatives ug gihingusgan nga ang mga botante sa Cavite ang angay modesisyon kung angay pa ba siya nga magpabilin sa pwesto pinaagi sa ilang mga boto sa sunod nga eleksyon.
Kahinumduman nga kagahapon, Hunyo 2, ang National Bureau of Investigation (NBI) nagsang-at og reklamo sa ethics batok kang Barzaga kalabot sa iyang mga post sa social media human sa tensyon sa Senado niadtong Mayo 13.
Si Barzaga gisuspenso kaduha tungod sa parehas nga reklamo, sa wala pa siya gipalagpot sa House of Representatives nga adunay boto nga 265 pabor, 14 supak, ug 8 nag-abstain.
