GENERAL SANTOS CITY – Gihingusgan ni P/ Col. Nicomedes Olaivar, provincial director sa Sarangani Police Provincial Office nga tanang anggulo ang ilang gitutukan sa imbestigasyon sa kamatayon ni Kapitan Tonesa Sarudin sa Barangay Mindupok, Maitum Sarangani Province.
Lakip sa gitutukan ang personal grudge aron matumbok ang tanan.
Sa iyang pamahayag nga gihimo sa kapulisan ang tanan aron maresolba ang kremin.
Sa pamahayag sa nasampit nga opisyal nga nagdeploy sila og dugang tropa sa maong dapit ang aron magbantay sa seguridad.
Kahinumduman nga dead on the spot si Kapitan Sarudin dihang gipusil sa wala mailhing suspek samtang paadto kini sa usa ka tindahan gikan sa ilang barangay hall.
Nasayran nga si Sarudin ang kanhi unang kagawad sa ilang lugar nga nagpuli sa posisyon human nga gipatay usab ang ilang kapitan.
