Gisingil sa usa ka magbabalaud ang Philippine National Police sa kapakyasan nga makita ug maaresto si Kingdom of Jesus Christ (KOJC) leader Pastor Apollo Quibolo ug ang gipalagpot nga Bamban, Tarlac Mayor Alice Guo nga mga high-profile fugitives luyo nga nagpagawas na ug managlahi nga arrest orders.
Nahitabo kini atul sa House Committee on Appropriations’ deliberations sa proposed 2025 budget sa Department of the Interior and Local Government (DILG).
Matud ni Kabataan party-list Rep. Raoul Manuel nga maglima ka bulan na nga gitan-ugan sa PNP ang arrest warrants batuk kang Quibuloy nga mibaliwala sa subpoenas sa committee hearings sa Senado samtang laing warrant of arrest ang gipagawas sa Pasig Regional Trial Court nga sa kaso nga qualified human trafficking.
Samtang nagpagawas usab ug arrest order batuk kang Guo human gi cite in contempt sa balik-balik nga kapakyasan sa pagpakita sa committee hearings may kalabutan sa anomalya sa Philippine Offshore Gaming Operations.
Sa pikas bahin, naningkamot matud pa ang DILG ug PNP nga maaresto silang Quiboloy ug Guo.
Samtang gipasalig ni PNP chief Gen. Rommel Marbil nga magpadayon ang imbestigasyon ug pagpaniid aron masikop ang duha ka wanted persons.
Kaniadtong Hulyo naghatag ug ultimatum ang Senado nga apektado ang 2025 budget sa kapulisan kung dili masikop ang duha ka mga wanted persons.
