Pinay rower nga si Delgaco, buhi gihapon ang paglaom bisan pa man sa kapakyas pag-abante sa quarterfinals

Napakyas sa pagdiretso sa quarterfinals sa rowing event si Joanie Delgaco

Apan nagpadayon ang iyang paglaom human makuha ang ikaduhang higayon pinaagi sa repechage round sa women’s single sculls sa 2024 Paris Olympics sa Vaires-sur-Marne Nautical Stadium.

Ang Filipina rower mioras og pito ka minuto ug 56.26 segundos aron mahuman ang ikaupat sa unom ka miyembro nga kompetisyon.

Ang nag-unang tulo ka mga contestant gikan sa matag heat maoy mopadayon sa quarterfinals samtang ang uban nga mga contestant kinahanglan pa nga magtigi sa repechage stage.