Gipaluhod sa Filipino mixed martial artist nga si Lito Adiwang ang grappler nga si Eko Roni Saputra sulod lamang sa 34 segundos.
Wala gipadugay sa Pinoy star ang iyang away ug sa pagsugod pa lang, nagsunod-sunod na siya og buhi sa pipila ka kombinasyon aron tapuson dayon ang dula sa mubo nga oras.
Sulod lamang sa pipila ka segundo, natumba si Saputra ug gisundan dayon kini ni Adiwang og laing combination shots lakip na ang dominante nga ground-and-pound.
Wala na makabalos ang Indonesian wrestling champion hangtod nga napugos na og pahunong ang laban nga milungtad lamang og kapin 30 segundos.
Sa wala pa ang away, gikinahanglan pa ni Adiwang nga mosaka sa 140-pound catchweight apan wala niya kini gihuna-huna bisan pa sa weight adjustment alang sa mas taas nga division.
Bisan pa sa kadaugan sa Pinoy champion, dili maapektuhan ang bantamweight division rankings sa ONE Championship tungod kay plano gihapon niyang mobalik sa flyweight division.
Bisan pa niini, posible nga mahimong basihan kini para sa umaabot nga mga away ni Adiwang ubos sa flyweight category. Posibleng maatubang sa Pinoy MMA fighter ang mga apil sa top-5 sa flyweight division.
