GENERAL SANTOS CITY – Nakahilak samtang nanawagan ug pag-ampo ang caregiver nga si Everlina Dela Cruz nga taga Bulacan nga atoa karon sa nasud Israel.
Iyang gipakalma ang iyang mga kabanay nga bisan sa sitwasyon karon sa nasud Israel naglaum nga mabalik sa normal ang sitwasyon.
Samtang gihinabi sa Bombo Radyo kalit nangayu ug despensa nga mubalhin sa bomb shelter human makadawat ug abiso.
Usa ka edaran ang giamuma ni Dela Cruz nga iya pang gipakita samtang naa na sila sa bomb shelter nga gipauyo ug himo sa iyang amo aron didto mutago kung adunay mga pagpanulong nga mahitabo susama karon sa gihimo sa grupong Hamas.
Ang bomb shelter ang usa ka lawak nga triple ang kabaga sa bongbong ug naputos sa puthaw nga gani bisan sa maong sitwasyon nakahimo pa pagprepara sa ilang makaon.
Nalooy pa kini sa uban nga caregiver kung asa ang ilang gialagaran ang nagpuyo sa karaan nga balay ug walay bomb shelter ang namiligro.
Gisaysay usab niini nga lima sa iyang giamuma sa Israel ang gitawagan sa gobyerno aron mahimong sundalo.
Didto matud pa sa Israel ang matag lalaki kinahanglan nga magserbsiyo ug tulo ka tuig sa militar pagkahuman pwedi na nga magtrabaho sa uban nga kompanya apan sama sa nahitabo karon nga may state of war obligado ang mga lalaki nga mahimong kabahin sa military.
