-- ADVERTISEMENT --
Sulod na sa sunod nga round si Pinay boxer Aira Villegas human niini gipildi sa round of 32 si Yasmine Mouttaki sa Morroco sa women’s 50-kgs preliminaries sa score nga 5-0 subay sa nagpadayong Paris Olympics 2024.
Nakuha ni Villegas ang kadaugan kontra sa Morrocan boxer kon diin sa pagsugod pa lang sa dula, agresibo na ang duha ka mga boksidor hangtud nga gipasidan-an na sa referee ang Morrocan boxer tungod sa kanunay niining pagdikit kang Villegas.
Unang napurohan ang Pinay sa ikatulong round apan dali ra kining nakabalos dihang naigo sa iyang left hook si Mouttaki.
Sunod nga makalaban ni Villegas si Roumaysa Boualam sa Algeria alang sa round of 16 karong Biernes.
-- ADVERTISEMENT --
