Usa ka grupo sa mga siyentista sa Loughborough University sa United Kingdom ang milampos sa paghimo sa gitawag nila nga “smallest violin in the world”usa ka instrumento sa musika nga mas gamay kay sa buhok sa tawo ug nagkinahanglan ug microscope aron makita!
Ang biyolin, nga hinimo sa platinum, 35 microns ang gitas-on ug 13 microns ang gilapdon. Alang sa konteksto, ang kasagaran nga diametro sa buhok sa tawo gikan sa 17 hangtod 180 microns.
Sumala sa mga eksperto, gibuhat nila ang micro violin dili lang aron pamatud-an ang ilang mga kahanas, apan aron ipakita ang taas nga lebel sa ilang bag-ong sistema sa nanolithography, usa ka bag-ong teknolohiya nga nagtugot sa paghimo ug pagtuki sa mga butang nga mas gamay kaysa sa usa ka selula sa tawo.
Dugang pa, ang pagpili sa biyolin nalangkit sa popular nga prase sa Ingles nga “Makadungog ka ba sa pinakagamay nga biyolin sa kalibutan nga nagtugtog para lang kanimo?”
Apan sumala sa mga siyentipiko, kini nga proyekto nagsilbing usa ka hinungdanon nga lakang alang sa mas lawom nga panukiduki sa natad sa nanotechnology.
