Usa ka life jacket nga gisul-ob sa usa ka pasahero sa RMS Titanic sa dihang kini nalunod gibaligya sa subasta sa kantidad nga £670,000 (mga $906,000 o sobra sa P53 milyon
Ang life jacket panagiya ni Laura Mabel Francatelli, usa ka first-class nga pasahero sa iconic nga barko.
Ang butang giingon nga bililhon kaayo sa mga kolektor tungod kay ang flotation device niini adunay mga pirma sa ubang mga nakaluwas gikan sa parehas nga lifeboat.
Kini usa ka featured item sa subasta nga gihimo sa Henry Aldridge & Son sa Devizes, England.
Gibaligya kini sa usa ka wala nganli nga bidder nga mas taas kaysa sa inisyal nga banabana nga £250,000 hangtod £350,000.
Apil usab sa subasta ang usa ka seat cushion gikan sa lifeboat sa Titanic, nga gibaligya sa kantidad nga £390,000 ($527,000) ngadto sa mga tag-iya sa duha ka museyo sa Titanic sa Tennessee ug Missouri sa Estados Unidos.
Si Andrew Aldridge, ang tigsubasta, miingon nga ang mga memorabilia sa Titanic padayon nga gipangita tungod sa makasaysayanong trahedya niini ug sa mga istorya nga anaa sa matag butang.
Ang RMS Titanic nalunod niadtong Abril 15, 1912 human nabangga sa usa ka iceberg sa unang biyahe niini gikan sa England paingon sa New York City, Amerika.
Gibanabana nga 1,500 sa 2,200 ka mga pasahero ug tripulante niini ang namatay.
