Gipanghimakak sa Philippine Health Insurance Corporation (PhilHealth) ang pagtagana ug halos P138 million alang sa ilang Christmas party.
Matud sa state health insurance, ang naasoy nga kantidad ang gitagana alang sa pagsaulog sa ika 30 anibersaryo alang sa sunod tuig pinasibu sa pag-obserba sa National Health Insurance Month matag bulan sa Pebrero nga gideklara pinaagi sa Proclamation 1400 series of 2007.
Hingpit usab nga misunod sa direktiba sa Malacañang nga himuong simple ang selebrasyon sa mga ahensiya sa gobyerno alang sa Christmas season.
Gihimo sa Philhealth ang pagpaklaro isip pagsupak sa social media post ni health reform advocate Dr. Tony Leachon nga nagmantala ug usa ka screenshot sa matud pa dokumento sa Philhealth nga mitagana ug P137,766,032 nga pondo alang sa managlahi nga items sama sa mga token, giveaways, commemorative medals ug uban pa .
Sa unang post ni Dr. Leachon kanaidtong Biyernes, gibutyag niini nga ang naasoy nga dokumento alang gipaklaro sa ay nga gilayong napaklaro sa Philhealth.
Sa ulahi gihulipan ni Dr. Leachon ang iyang post ug giingon nga ang pondo alang sa anibersaryo sa Philhealth apan gibutyag nga magarbuho gihapon tungod sa mga problemang pinansyal nga giatubang sa mga residente ug zero subsidy alang sa Philhealth sa 2025 national budget, gikadugang niini nga ang pagbalhin sa halos P90 billion nga pondo sa Philhealth sa National Treasury.
