Nagpahibalo ang Philippine Embassy sa Washington nga padayon nilang gimonitor ang kahimtang sa mga Filipino ug wala silay natala nga mga samad o naapektuhan sa bagyong Helene sa habagatan-sidlakang bahin sa Estados Unidos.
Mokabat sa 300,000 ka mga Pilipino ang nagpuyo sa mga lugar nga naigo sa bagyo.
Dugang niini, andam usab ang Philippine Embassy nga mohatag og hinabang sa mga naapektuhan sa bagyo sa habagatan-sidlakang Estados Unidos.
Ang bagyo grabeng nakaapekto sa rehiyon sa Big Bend sa Florida, ingon man sa mga bahin sa Georgia, Tennessee, ug Carolinas.
Ang Hurricane Helene, usa ka Category 4 nga bagyo, mi-landfall sa Perry, Florida, nga adunay kusog nga hangin nga moabot sa 225 kilometros matag oras. Giingong kini usab ang labing kusog nga bagyo nga miigo sa Big Bend.
