Nagpadayon ang mga operasyon sa humanitarian assistance ug disaster response (HADR) sa Philippine Army ug Philippine Air Force para sa mga komunidad nga naapektuhan sa magnitude 7.8 nga linog sa Mindanao.
Gihawan sa mga disaster response team sa Philippine Army ang mga nabara nga dalan aron mabalik ang access sa mga hilit nga lugar, nagpahigayon og search and rescue operations, ug naghatag og limpyo nga tubig nga mainom sa General Santos City ug uban pang apektadong komunidad.
Samtang, ang Philippine Air Force (PAF) naghatud og 1,000 ka “ChariTimba” relief packs gikan sa Philippine Charity Sweepstakes Office (PCSO), ingon man 480 ka family food packs gikan sa DSWD ug 450 ka pakete sa bottled water sa mga apektadong lugar sa Davao Occidental, Davao Oriental, ug Sorsogon.
Nagpahigayon usab og medical evacuation ang PAF para sa mga residente sa Sarangani nga nanginahanglan og dinaliang medikal nga pag-atiman, isip kabahin sa nagpadayon nga disaster relief ug humanitarian operations sa militar.
