Gipanghimakak sa usa ka opisyal sa Philippine Coast Guard sa alegasyon sa China sa Pilipinas nga nagplano kini nga himoong “forward base” ang Escoda Shoal human ang mga barko sa China gikatahong mihimo og “delikadong maniobra” nga miresulta sa pagkabangga sa mga barko sa Pilipinas sa West Philippine Sea.
Alang sa kasayoran sa tanan, gibutyag ni Philippine Coast Guard spokesperson for the West Philippine Sea Commodore Jay Tarriela, ang mga barko sa Pilipinas nga gideploy sa Lawak Island og Patag magpahigayon lamang ug routine resupply operation alang sa mga tropa sa Coast Guard.
Gikadugang pa sa nasampit nga opisyal nga ang duha ka Multi-Role Response Vessels, BRP Cape Engaño ug BRP Bagacay ang nagpadulong sa paghatud sa mga kinahanglanon nga suplay sa mga personahe nga nadestino sa Patag ug Lawak Islands kagahapon sa dihang ang mga barko sa China Coast Guard ang nagpahigayon og delikadong maniobra hinungdan nga mibangga sa barko sa PCG duol sa Escoda Shoal.
