-- ADVERTISEMENT --
Gibutyag ni Pangulong Ferdinand Marcos Jr sa pinakabag-o niya nga vlog ang iyang tinguha nga magbilin og “significant change” o dakong kausaban sa Pilipinas inig kahuman sa iyang termino sa tuig 2028.
Matod sa Pangulo, dili lang siya nagtinguha nga magdumala, apan gusto usab niyang masiguro nga adunay lig-on nga kabag-ohan nga mapuslan sa katawhan bisan pa sa iyang pagbiya sa puwesto.
Gihatagan ug gibug-aton sa Pangulo nga kabahin sa iyang administrasyon ang mga prayoridad sama sa edukasyon, imprastruktura, agrikultura, ug digitalisasyon, nga magdala og dugang nga oportunidad sa trabaho ug mas maayong serbisyo sa publiko.
Iyang gihangyo ang suporta ug kooperasyon sa mga Pilipino sa tibuok nasud aron makab-ot ang maong tumong.
