-- ADVERTISEMENT --
Nipasidaan si Presidente Ferdinand Marcos Jr. batok sa pag-usbaw sa presyo o pagpahamtang sa dili makatarunganon nga presyo sa mga produkto ug serbisyo tungod kay wala’y hinungdan niini.
Mao kini ang gisulti ni Presidente Marcos taliwala sa iyang giingon nga pagubos sa presyo sa lana sa merkado sa kalibotan. Matod sa presidente, base sa kahimtang karon sa Middle East, wa silay nakitang dakong epekto sa ekonomiya sa nasod.
Dugang pa sa Presidente nga kon aduna man kini epekto, ilabina kon motaas ang presyo sa lana, kini madumala.
Dugang pa niya nga tungod kay aduna nay deklarasyon kaniadto nga ceasefire, miubos ang presyo sa krudo sa merkado sa kalibotan nga natala lang sa 69 dolyares matag barrel kagahapon.
