Gitambagan ni President Bongbong Marcos ang mga benepisyaryo sa Presidential Financial Assistance sa Bicol Region nga gamiton sa husto ang mga hinabang nga ilang nadawat.
Sa iyang pakigpulong sa Camarines Sur, gipahinumdoman sila sa Presidente nga gamiton ang mga hinabang aron mapalapdan pa ang ilang mga umahan, pangisdaan ug negosyo.
Dungan sa pag-awhag kanila nga dili maulaw sa pagduol sa mga ahensya sa gobyerno sa panahon sa ilang panginahanglan ilabi na kon kini alang sa kaayohan sa ilang kahimtang.
Nihatag ug direktiba sa Department of Agriculture ug sa Department of Agrarian Reform si Pres. Marcos nga ipadayon ang pag-apod-apod sa yuta ug serbisyo ilabina niadtong naapektuhan pag-ayo sa El Niño.
Nasayran nga mokabat sa 2,000 ka Agrarian Reform Beneficiaries ang nakadawat ug titulo sa yuta sa Camarines Sur.
