Nakigkita si Presidente Bongbong Marcos kang Singapore Prime Minister Lawrence Wong niadtong Miyerkules, Hulyo 15, aron hisgutan ang pagpalapad sa kooperasyon tali sa Pilipinas ug Singapore sa mga natad sa pamatigayon, pamuhunan, artificial intelligence (AI), panglawas, ug sosyal nga kalamboan.
Ang miting gipahigayon atol sa pagbisita ni Marcos sa Singapore, diin gipamatud-an pag-usab sa duha ka lider ang ilang pasalig nga mapalig-on pa ang dugay nang relasyon tali sa duha ka nasud sa Southeast Asia.
Sumala sa Malacañang, gihisgutan nila ni Marcos ug Wong ang mga lakang aron madugangan ang dagan sa pamatigayon ug pamuhunan, pahimuslan ang mga oportunidad sa AI, makadani og dugang nga mga tigpamuhunan, ug mapalalom ang kooperasyon sa mga natad sa panglawas ug sosyal nga kalamboan.
Miuyon usab ang duha ka lider nga ipadayon ang pagpalambo sa dugang nga mga bilateral nga kasabutan nga gilauman nga mapalig-on pa ang relasyon sa Pilipinas ug Singapore.
