Gimando ni Presidente Ferdinand Marcos Jr. ang paghimo sa Office of the Presidential Adviser on Pasig River Rehabilitation nga magtutok sa tukma sa panahon nga pagpatuman sa rehabilitasyon ug pagpalambo sa Pasig River.
Pinaagi sa Executive Order No. 92, gipasiugda ni Presidente Marcos ang kamahinungdanon sa paghiusa sa mga hingtungdan nga ahensya sa gobyerno sa rehabilitasyon ug pagpalambo sa Pasig River.
Ubos sa Executive Order, ang Presidente mimando sa reorganisasyon sa inter-agency council alang sa Pasig River urban development.
Ang Presidential Adviser for Pasig River Rehabilitation (PAPRR) pagapangunahan sa usa ka kalihim.
Ang kasamtangang Presidential Adviser sa Pasig River Rehabilitation mao si Jerry Acuzar.
Ang nasangpit nga buhatan motambag sa Presidente sa pagpatuman sa mga polisiya, plano, kalihokan, ug mga programa ngadto sa
rehabilitasyon, pagpalambo, ug pagpahiuli sa sistema sa tubig sa Pasig River ug kasikbit nga mga sistema sa tubig.
Gipirmahan ni Presidente Marcos ang Executive Order No. 92 kaniadtong Agosto 13,2025.
