Gihatagan og gibug-aton ni President Ferdinand Marcos Jr. ang kamahinungdanon sa alyansa tali sa Pilipinas ug Estados Unidos sa pagpatunhay sa kalinaw ug kalig-on sa West Philippine Sea ug sa Indo Pacific region.
Ang Presidente mihimo sa pamahayag human sa iyang bilateral meeting uban sa US Secretary of Defense Pete Hegseth sa Pentagon.
Gihatagan og gibug-aton ni President Marcos ang kamahinungdanon sa bilateral discussions human sa pagbag-o sa geopolitical dynamics.
Gipadayag usab sa Pangulo ang iyang lawom nga pasalamat sa suporta sa gobyerno sa US pinaagi sa hiniusang military exercise ug sa nagpadayon nga modernisasyon nga paningkamot sa Armed Forces of the Philippines (AFP).
Gihinumdom usab sa Presidente ang pagbisita ni Secretary Hegseth sa Pilipinas nga iyang gihulagway nga usa ka importante nga simbolo sa panag-uban sa Pilipinas og US ug usa ka reaffirmation sa pasalig sa duha ka nasud sa Mutual Defense Treaty.
Sa iyang pag-abot sa Pentagon, gihatagan si PBBM og arrival honors.
Si President Marcos anaa karon sa Washington, D.C. alang sa tulo ka adlaw nga opisyal nga pagbisita gikan sa Hulyo 20 ngadto sa Hulyo 22 sa imbitasyon ni US President Donald Trump.
