Kuntento si President Ferdinand Marcos Jr. sa pag-uswag sa pagtukod sa Metro Manila Subway.
Personal nga nagsusi ang Presidente sa proyekto sa sayo pa ug nakita ang pag-uswag niini.
Matod sa Presidente, ang unang hugna sa Metro Manila Subway, ang Valenzuela Ortigas Station, gitarget nga inagurahan sa 2028.
” Sana matapos natin ito hanggang sa Valenzuela, baka matapos natin ito ‘28. Baka puwede nang in-inaugurate sa 2028. Basta tingnan natin,” pahayag ni Pang. Ferdinand Marcos Jr.
Gibutyag usab sa Presidente nga kung ang tibuok linya sa subway gikan sa Valenzuela paingon sa NAIA sa Parañaque mahuman na, ang kanhi duha ka oras nga biyahe maminusan ngadto sa 40 minutos.
” Ito ‘yung ating Subway Project na mapabuti natin hanggang itong phase na ito hanggang Valenzuela. Ngayon, pagka nabuo na ito, ang travel time mula sa Valenzuela hanggang sa airport ay sa kasalukuyan mga dalawang oras ‘yan eh dalawang oras at kalahati. Kaya mababawasan ‘yan mga 40 minutes na lang. Kaya napakalaking bagay ‘pag na-approve natin ito,” pahayag ni Pang. Marcos.
Gidayeg sa Presidente ang mga eksperto nga mga inhinyero sa Japan sa pagpangulo sa pagtukod sa subway ug miingon nga nakita niya ang dagan sa operasyon sa tunnel boring machine, nga naglihok nga hapsay ug paspas.
Gitataw sa Presidente nga ilang gipili ang Japan isip saktong partner sa pagtukod sa subway.
