Gipahalipayan ni Pres. Ferdinand Marcos Jr. ang katawhang Pilipino sa selebrasyon sa Araw sa Kagitingan.
Nasayran nga gipangunahan sa Presidente ang pagsaulog sa ika-84 nga ‘Araw ng Kagitingan’ sa Mt. Samat National Shrine, Munic, Pilar, probinsya sa Bataan kaganihang buntag.
Ang tema sa selebrasyon karong tuiga mao ang “Giting ng Bayani, Pamana sa Salinlahi.”
Atol sa programa, gitaas ang bandila sa Pilipinas ug naghalad og mga bulak. Sumala sa Presidente, dakong kabahin sa atong kasaysayan ang paghinumdom sa kaisog ug sakripisyo sa mga bayani nga nakigbisog alang sa kagawasan sa nasud, ilabi na sa Bataan ug Corregidor.
Gipasiugda usab niya nga ang espiritu sa kaisog padayon nga nagapadayag sa mga Pilipino nga naningkamot ug nagabantay sa kaayohan sa ilang isigkatawo matag adlaw.
