-- ADVERTISEMENT --

Giduso ni President Ferdinand Marcos Jr. ang mas lig-on nga kooperasyon tali sa mga nasud nga miyembro sa ASEAN sa sektor sa enerhiya.

Tumong niini nga mapabiling masarangan sa publiko ang presyo sa gasolina, kuryente ug mga pagkaon.

Atol sa Leaders Retreat sa ika-49 nga ASEAN Summit, gipunto sa Presidente ang pagpalapad sa koneksyon sa enerhiya ug pagpangita og alternatibong tinubdan niini.

Giawhag usab niya ang pagpadali sa paggamit sa renewable energy aron makabaton og limpyo ug kasaligan nga suplay sa kuryente.

Matud sa Presidente, direktang makaapekto sa presyo sa mga pagkaon, operasyon sa negosyo ug panginabuhi sa mga Pilipino ang pagsaka sa presyo sa gasolina ug kuryente.

-- ADVERTISEMENT --

Tungod niini, mipasalig siya nga paningkamotan ang pagpatuman sa plano alang sa mas kasaligan nga suplay sa enerhiya sa tibuok rehiyon.