-- ADVERTISEMENT --
Gibuhian sa Houthi rebels ang kapin 600 ka mga prisoner of war taliwala sa nagpadayon nga kagubot sa Yemen.
Matud ni Abdul-Qader al-Murtaza, opisyal sa Houthi nga nagdumala sa mga kalihokan sa mga binilanggo, mao na kini ang kinadak-ang ihap sa mga gipagawas nga dinakpan sulod sa 12 ka tuig nga ‘civil war’ sa nasud.
Gisundo sa mga delegado sa International Committee of the Red Cross ang mga gipagawas ug gidala sa mga medical facility aron masusi ang kahimtang sa ilang panglawas.
Matud pa, nagsugod ang gubat human misulong ang Houthi rebels sa Yemen tungod sa ilang tinguha nga makontrolar ang panggamhanan sa nasud.











