-- ADVERTISEMENT --

Hugot nga gikondena ni Pope Leo ang padayon nga pagpahimulos sa kalasangan sa Amazon ug giawhag ang mga Katoliko nga padayon nga mosupak sa halapad nga pagkalbo sa kalasangan ug polusyon nga resulta sa pagmina og bulawan ug pagkuha og lana.

Sa iyang pakigkita sa mga lumad nga komunidad sa Pucallpa, Peru, gipasiugda sa Santo Papa ang dakong kadaot nga resulta sa ilegal nga pagpamutol sa kahoy, pagmina ug pagkatag sa lana sa kinadak-ang kalasangan sa kalibotan.

Gikondena usab sa Santo Papa ang sunod-sunod nga pagpamatay sa mga lider sa lumad nga grupo nga nanalipod sa ilang mga yutang kabilin, ug giinsistir nga kinahanglan makab-ot ang hustisya alang sa mga biktima.

Matud ni Pope Leo, dili lamang kini yano nga mga aksidente kondili resulta sa iresponsableng pagpahimulos sa natural nga mga kinaiyahan nga naghulga sa panginabuhi ug kinabuhi sa mga lumad nga komunidad.