GENSAN – Mainiton nga gi-abi abi sa Police Regional office 12 sa pagpanguna ni Police Brigadier General Arnold P. Ardiente, ang Regional Director ang pag abot sa dakbayan sa Heneral Santos ni Presidente Ferdinand Romualdez Marcos Jr. kagabie Hulyo 03 2025 sa General Santos City International Airport.
Gilauman nga kining pagbisita sa Presidente magtimaan sa dakong kamahinungdanon alang sa katawhan sa syudad ug sa tibuok rehiyon sa SOCCSKSARGEN.
Ang presensya sa pangulo nagpamatuod sa tinguha sa nasudnong liderato nga ipadayon ang kalamboan, pagpanalipod sa kalinaw ug seguridad, ug paghaduol pa sa serbisyo sa gobyerno ngadto sa katawhan.
Gikahimamat dayon sa Presidente ang pipila ka mga lokal nga opisyal ug mga representante sa national agencies nga may kalambigitan sa mga programa nga ipatuman sa rehiyon.
Ang maong bisita gilauman nga magahatag og dugang kadasig sa mga residente sa rehiyon sa ilang padayon nga paningkamot alang sa kalamboan ug kalinaw.
Hugot usab ang seguridad sa tibuok syudad ug mga lugar nga paga adtoan sa Presidente, lakip na sa Barangay Tambler
