-- ADVERTISEMENT --
Mipadayag si Orly Sabelita, chairman sa General Santos Transport Cooperative, nga padayon ang panawagan sa sektor sa transportasyon nga ipataas ang pamasahe tungod sa padayon nga pagsaka sa presyo sa produktong petrolyo.
Sumala sa LTFRB matrix, matag P10 nga pagtaas sa gasolina kinahanglan adunay P1 nga dugang sa pamasahe.
Apan iyang gipunto nga sa miaging krisis gipahunong sa Presidente ang aprubadong fare increase ug gi-implementar hinuon ang fuel subsidy, service contracting, ug uban pang ayuda.
Giingon niya nga temporaryo lamang ang maong mga programa ug dili makasustiner sa operasyon sa mga drayber.
Busa, dili malikayan ang ilang pagpanawagan sa pagpataas sa pamasahe aron mapadayon ang operasyon sa pampublikong transportasyon.
-- ADVERTISEMENT --
