Nagpasaka na ang Department of Justice og daghang kaso batok sa 18 ka gitawag nga ‘maleta boys’ o kanhing bodyguard ni kanhi Ako Bicol Party-list Rep. Zaldy Co.
Gikumpirma ni Atty. Polo Martinez, tigpamaba sa departamento, nga ang mga kaso gisang-at na sa managlahing korte.
Gawas sa napulog walo ka kanhing sundalo nga nagpaila sa ilang kaugalingon, lakip sa mga gikasohan sa Department of Justice mao ang ilang abogado, si Atty. Levito Baligod.
Sumala sa Justice Spokesperson nga si Atty. Martinez, ang departamento nagpasaka sa impormasyon o mga kaso sa managlahing korte.
Kini anaa sa Regional Trial Courts sa Caloocan City, Las Pinas City, Muntinlupa City ug San Juan City.
Gipaambit sa tigpamaba nga ang daghang kaso gisang-at batok sa grupo, kagahapon, Martes, Hulyo 28.
Tungod niini, ang 18 ka maleta boys nag-atubang na karon og 6 ka ihap sa cyber libel ubos sa Republic Act No. 10175 o ang Cybercrime Prevention Act of 2012.
