Patay nga lawas sa lalaki nga gapamakal wala gihapon gi-claim; punerarya nanawagan sa iyang pamilya

GENSAN- Usa ka lalaki nga gapamakal nga giilang si Eduardo G. Buniao, residente sa Purok Salafen, Brgy. Apopong, ang nakaplagang patay sa basketball court sa Purok Foremost Phase 2, Brgy. Apopong ning dakbayan sa Gensan niadtong Sabado, Hunyo 14, 2025.

Matod sa mga residente, nagpahulay ang biktima samtang nagtuklod sa iyang sikad nga adunay karga nga mga botelya ug bakal, apan kalit kini natumba.

Dali silang nanawag og tabang, apan sa pag-abot sa mga rescuer, wala na kini kinabuhi.

Sa karon ang patayng lawas anaa sa usa ka purenarya sa Brgy. Labangal, diin wala pa pay pamilya nga nag-ila o nag-claim.

Nanawagan ang tag-iya sa purenarya sa mga paryente sa biktima nga mosuta ug kuhaon ang lawas.