Giangkon sa Presidential Anti-Organized Crime Commission (PAOCC) nga pipila sa ilang ginsakpan ang nakdawat ug pagbahad tungod sa ilang imbestigasyon sa mga ilegal nga Philippine Offshore Gaming Operator (POGO) hubs.
Tungod niini gibutyag ni PAOCC spokesperson Winston John Casio nga kanunay silang naka-alerto sa posibleng panghitabo.
Ang PAOCC ang nagpaluyo sa mga pag aresto bag-uhay lamang sa mga POGO hub nga nalambigit sa kriminalidad lakip na ang mga naa sa Bamban, Tarlac ug Porac, Pampanga.
Tungod sa mga operasyon libu-libong Pilipino ug foreign nationals, lakip ang mga Tsino, Malaysians, ug Vietnamese ang na-rescue.
Ang uban kanila sa mga na-rescue ang biktima sa torture ug kidnap.
Nasikop usab ang pipila ka dayuhan human ang mga raid.
Luyo niini gibutyag nga ang PAOCC ang usa ka civilian agency lamang ug ang ilang mga sakop ang mga analyst nga ordinaryo nga wala nagagamit ug armas sa mga raid operation.
Una nga gibutyag sa PAOCC nga may 300 POGOs nga ilegal nga nag-operate sa nasud nga wala misunod sa regulasyon sa Philippine Amusement and Gaming Corporation (PAGCOR).
