Nagpadayag ug pahalipay si President Ferdinand “Bongbong” Marcos Jr. kang Pinoy gymnast Carlos Yulo sa pagdaog sa unang Olympic gold medal alang sa Pilipinas sa 2024 Paris Olympics.
Sa Facebook post, nagbutyag si Pang. Marcos Jr. nga mapasigarbuhon ang tibuok nasud ang nahimo ni Yulo. “Congratulations, Caloy! The entire country stands proud with you,” ang maoy mabasa sa caption sa maong post.
Matod usab ni Pang. Marcos Jr. nga masaligon siya sa kahigayonan nga makakuha ug medalya ang mga atleta alang sa nasod sa Summer Games.
Dugang pa niini, nasaksihan matud pa ang kasaysayan sa dihang misakmit si Yulo sa unang bulawang medalya sa Pilipinas sa artistic gymnastics sa Paris 2024 Olympics ug masaligon matud pa nga dili kini ang katapusan.
Si Yulo adunay kahigayonan nga makaangkon og laing medalya diin makigtigi sa vault finals ning adlawa.
Gawas kang Yulo, ang mga boksidor nga sila si Aira Villegas sigurado na bronze medal human mapildi ang French boxer ug Nesthy Petecio may dula pa alang sa posibleng medalya, samtang ang pole vaulter nga si EJ Obiena naka-qualify sa men’s pole vault finals.
Sila si Hurdlers ahtlete John Cabang Tolentino ug Lauren Hoffman, golfers Dottie Ardina ug Bianca Pagdanganan, ug weightlifters John Ceniza, Vanessa Sarno, ug Elreen Ando wa pa makasugod sa ilang tagsa-tagsa ka dula sa Summer Games.
