GENERAL SANTOS CITY – Ipahigayon sa Traffic Enforcement Unit (TMU) ang regular filling sa kasong reckless imprudence resulting to homicide, serious physical injuries og damage to property sa driver sa pick up nga nalambigit sa vehicular accident sa Purok Palen, Labangal ning dakbayan.
Matud pa kang P/ Major Richard Ybañez, labaw sa TMU GenSan nga kini human nga mibalik sa ilang opisina ang pamilya ni Philip Lagarto Lapatha nga taga DARBCI, Barangay Apopong ning syudad nga ipadayon ang kaso.
Sa pamahayag ni Ybañez nga unang nagkasinabot ang pamilyang Lapatha og Fergelit Magallano, 38 anyos nga taga Barangay Fatima nga dili na ipadayon ang kaso hinungdan nga gibuhian.
Nausab ang huna-huna sa pamilya og andam nga kasuhan si Magallano.
Samtang ang driver sa Fortunner nga si Leonides Jamil Jamora, 58 anyos nga residente sa VSM Homes, Barangay San Isidro ang gikasuhan na.
Si Lapatha ang driver sa motorsiklo ang dead on the spot human nga makalso ang ulo sa sakyanan sa pick up og samaron ang angkas ang iyang igsoon nga si Sheryl Lapatha.
