Pamilya sa gipusil nga lalaki sa Brgy. Labangal, dili na mopasaka og kaso batok sa suspek

GENSAN- Dili na interesado ang pamilya ni Amor Manonggol Galukan, 31 anyos, residente sa Purok 5, Olarte Millionaires Village, Barangay Labangal nga magpasaka og kaso batuk sa suspek.

Kahinumduman nga gipusil ang nasampit nga biktima niadtong adlawng Lunes sa udto sulod mismo sa iyang balay.

Matud ni Almudin Manonggal Galucan nga nagsumite na sila og ‘affidavit’ ngadto sa Makar Police Station nga nagkanayong dili na sila interesado sa pagpasaka og kaso.

Hinuon gibutyag niini nga wala sila masayod kung unsa ang motibo sa pagpamusil sa iyang igsuon.

Kahinumdoman nga gisulod ang biktima sa suspek sa iyang balay og dayong gipusil igo sa liog gamit ang wala pa mailhang armas nga hinungdan sa iyang pagkamatay diha-diha dayon.