GENERAL SANTOS CITY – Singgit sa hustisya ang gipasibaw sa pamilya sa area supervisor nga biktima sa mangilngig nga pagpatay nga natigayon nakalabay nga semana.
Kini human gibutyag sa kapulisan nga wala pa matombok ang ilhanan sa mga responsable nga midunggab patay sa nagpangalan ug Anthony Abella naa sa hustong edad ug residente sa Barangay Conel ning syudad.
Kahinumduman nga nag-inusara lamang ang biktima sa ilang opisina sa Casquejo street, Barangay East ning syudad dihang gisulod ug gidunggab sa makadaghang higayon.
Naatul ang pagpatay sa biktima dihang migawas ang duha ka kauban aron maniudto apan pagbalik na sa lugar nakita na lamang ang lama sa dugo sa pultahan nga bahin samtang didto sa sulod nagbuy-od ang biktima nga nakaangkon ug daghang samad dinunggaban.
Nakuha sa crimescene ang duha ka hinagiban samtang ang biktima ang giputos ang ulo ug packaging tape samtang gihigtan ug tiebox ang mga kamot ug tiil.
Nagtuo ang kapulisan nga dili muobos sa duha ang mihimo sa krimen tungod duha ang kutsilyo ang nahibilin sa lugar.
