GENERAL SANTOS CITY – Malipayon ang pamilya ni Vincent Astrolabio sa kalampusan nga naangkon batok sa Cuban boxer nga si kanhi unified world champion Guillermo Rigondeaux.
Sa interview sa Bombo Radyo GenSan kay Lovely Fuentes, partner ni Astrolabio iyang gibutyag nga nahitabo ang pangandoy ni Vincent nga mapildi si Rigondeaux.
Gatuo ang nasampit nga kaya sa partner niini nga mapildi ang kalaban gumikan sa maayong performance, kung asa pursigido og determinado sa iyang pangandoy .
Sa pamahayag ni Lovely nga gilauman nga karong adlawa ang balik nila sa Pilipinas kauban si Coach Nonoy Neri.
Samtang sa sunod nga mga adlaw gikatakda nga muuli sila sa GenSan.
Ang pamilya ni Astrolabio ang nagpasalamat sa tanan nga nagsuporta kaniya kung asa dugay nga nagtraining sa MP Davao gym kauban si Coach Neri. Kahibaluan nga kini ang ikaduha nga sunod sunod nga kapildihan ni Rigondeaux kung asa mga pinoy ang iyang nakalaban.
Nahimong unanimous ang decision sa tulo ka mga judges nga ang tanan mihatag og score nga 95-94.
Una kang Astrolabio napildi usab sa pinoy boxer nga si John Riel Casimero ang maong Cuban boxer.
