GENERAL SANTOS CITY – Personal nga motibo ang gitutukan sa Bula Police Station kalabutan sa pagpusil patay sa usa ka tricycle driver sa mga miaging gabii sa atubangan sa usa ka mall sa Lagao ning syudad.
Matud pa ni Police Major Ian Bagot, chief of police sa Bula Police Station, nga base sa ilang pag-imbestiga nga may nakalalis ang biktima ug nagkasinumbagay.
Sa iyang pamahayag nga tukma ang descriptions sa testimonya sa mga testigo sa crime scene og sa pamahayag sa pamilya.
Ang biktima nga si Kader Manan Abdul Rahman nga taga Labangal ning syudad ang dead on the spot sa dihang gipusil sa responsable.
Ning semana mapasaka na ang kaso batok sa maong suspek.
Ang nakuha nga kopya sa CCTV footage sa mga establisiemento sa J. Catholico Avenue ang dakong tabang sa ilang imbestigasyon.
Nasayran nga samtang gatorno sa terminal sa tricycle, ang biktima kalit nga gipusil kung asa igo sa ulo, dughan ug kilid, nga maoy hinungdan sa iyang kamatayon.
Narekober sa crime scene ang mga basiyo sa kalibre 9mm nga pistola og usa ka slug nga nilusot sa lawas sa biktima.
