GENERAL SANTOS CITY – Gusto nga mahatagan og katin-awan sa Sangguniang Panlungsod ang padayong pagtukod sa mga towers sa mga telecommunication companies sa nasud.
Matud pa ni Kag. Edmar Yumang nga sa gipahigayong consultation sa SP sa miaging mga adlaw nasayran nga ang DITO company ang may gitukod na nga mga 69 ka mga towers apan walay permit.
Gibutyag ni Kag. Yumang nga kung ang ordinaryong mga tawo nga magpatukod sa ilang balay nga makadawat og notice gilayon gikan Office of the Building Official (OBO).
Kung dili tagdon sa nakadawat sa notice pwede nga mapasakaan og kaso.
Sa iyang pamahayag nga dili patas ang maong sistema og angayang sutaon.
Gibutyag ni Engr. Aurea Pascual, department head sa OBO nga 36 ka aplikasyon gikan sa telecommunication companies ang anaa sa ilang opisina nga anaa pa proseso.
Matud pa ni Engr. Pascual nga kinahanglan ang barangay clearance, fire safety evaluation clearance gikan sa Bureau of Fire Protection kon BFP.
Mipasalig si Engr. Pascual nga ilang aksyonan ang maong isyu dayon magpadala og report sa SP kalabutan niini .
