GENERAL SANTOS CITY – Gihingusgan ni Gensan City Councilor Dominador Lagare Jr., chairman sa komitiba sa transportasyon sa konseho nga aduna nay kasulbaron ang problema sa transportasyon pinaagi sa gihimo nga Ordinance 37 series of 2018 ug kasamtangang gi-implementar sa dakbayan.
Matud ni Kag. Lagare, dili mga buta og bungol ang lokal nga panggamhanan sa sa wala nay kasulbaran nga isyu sa transportasyon sa Gensan.
Aminado kini nga sakit ang mga banat ug negatibong komento batok kaniya isip chairman sa maong komitiba apan balewala kini kaniya tungod nasayod man siya nga gihimo nila ang tanan aron masulbad ang problema sa transportasyon.
Una nang gi-aprubahan sa ikaduhang pagbasa ang resolusyon nga nagatugot sa pagrelease sa mga prangkisa sa tulo ka mga kooperatiba nga mao ang red, white, ug apple green.
Awhag niini sa iyahang mga kaubanan sa konseho nga dili na dugayon ang pagpasa sa ulahi ug ikatulong pagbasa sa maong resolosyon.
