GENERAL SANTOS CITY – Hugot ang gihimong imbestigasyon sa kapulisan kalabutan sa pagpamusil patay kang Jerry Alquizar, 40 anyos nga residente sa Purok Alquizar, Barangay Apopong ning dakbayan og nasamdan si Joel Almeniana, 29 anyos, laborer sa Gensan Fishport.
Gibutyag ni Jelin Alquizar, inahan ni Jerry na ang iyang anak ang may nakaaway sa bilyaran sa miaging mga bulan og gipusil apan wala nakabuto nga miresulta sa pagpasaka og kaso.
Gatuo ang inahan nga ang maong bangi sa iyang anak ang hinungdan nganong napusilan patay.
Usa ka sibilyan ang nakaaway sa iyang anak.
Gikadugang pa niini nga may nadunggan siya nga estorya nga nagsulti si Jerry nga ipa-raid mga pulis ang sabungan sa ilang lugar.
Sa pamahayag sa inahan nga walay bahad sa kinabuhi ang iyang anak.
Natigayon ang insidente sa dihang nag-inom ang mga biktima dihang kalit lang niabot ang mga suspect nga nakasakay ug motorsiklo og gipangpusil ang mga nasampit.
Si Alquizar dead on the spot tungod sa daghang samad nga naangko sa kalawasan samtang si Almeniana nagpabilin sa ospital human naigo sa iyang abaga.
Narekober sa mga otoridad ang unom ka basyo sa wala pa natinong armas nga gigamit sa suspek.
