GENERAL SANTOS CITY – Posibleng ikonsidera ni Mayor Vivien Yap sa Glan Sarangani Province ang pagpaluag sa pagpasulod sa munisipyo ugaling bakunado sa una og ikaduhang dose sa covid vaccine ang usa ka indibidwal.
Kini ang gibutyag sa mayor human nga nasayran nga sa ubang lugar nagapasulod na sila og mga turista nga ‘fully vaccinated og dili na kinahanglan ang pagpresenta og RT-PCR test negative result.
Gibutyag sa chief executive nga hulaton na lang ang executive order karong Agosto uno og makigpulong pa kini sa mga health officers alang sa guidelines nga ipagawas kabahin niini.
Giangkon ni Mayor Yap nga miubos gayud ang nibisita sa Glan tungod sa pagpatuman sa patakaran nga kinahanglan mupresenta ug antigen test result sa ilang munisipyo.
Giangkon nga dili na niini makaya himuong zero case sa covid 19 Glan tungod padayon ang pagdaghan sa kaso.
