GENERAL SANTOS CITY – May pagtugot gikan sa inahan ang i-autopsy ang patay nga lawas sa syete anyos nga si Princess Arriane Cabucos ang inahan niini human mipirma ug sulat nga gipadangat sa National Bureau of Investigation.
Matud ni Dr. Ricardo Rodaje Medico Legal sa NBI nga iyang na estorya si Shiela Mae Romero ug gipanghimakak ang mga alegasyon nga gibiyaan ang anak.
Matud ni Rodaje nga nasakitan siya sa gidangatan sa biktima human nadiskubre nga nakaangkon ug traumatic injuries multiple human nakaangkon ug daghang bun-og ug mga samad nga sa paghulagway nga nakaangkon ug dislocation ug static fracture sa ulo.
Pagbanabana ni Rodaje nga usa ka oras human nakakaon ang biktima gihimo ang linuog nga binuhatan sa suspek.
Gikadugang niini nga kung adunay gihimo nga imbestigasyon ang kapulisan makatabang kini s a parralel investigation pinaagi sa pagtigum sa mga ebidinsya.
Usa matud pa sa himuon niini ang pagpresenta sa pamilya sa biktima didto sa korte ug ibutyag ang mangilngig nga panghitabo nga naangkon sa bata.
Kung unsa matud pa ang iyang nakita sa gihimo nga autopsy iya kini nga isulti didto sa korte.
Pagka karon wala pa gibutyag sa pamilya kung kanus-a ilubong ang biktima.
